ანტონიუ გუტერეში: მხოლოდ სამხედრო ძალას არ შეუძლია მშვიდობის უზრუნველყოფა

გაეროს გენერალურმა მდივანმა, ანტონიუ გუტერეშმა გენერალური ასამბლეის სესიაზე სიტყვით გამოსვლისას გააფრთხილა მსოფლიო, რომ „ჩვენს სამყაროში ბზარები ფართოვდება“.

„ბზარები კანიონებად იქცა“, - განუცხადა მან მსოფლიო ლიდერებს. - „გეოპოლიტიკური დაყოფა გაღრმავდა, უთანასწორობამ კი პიკს მიაღწია“.

თავის გამოსვლაში გუტერეშმა ყურადღება გაამახვილა ხელოვნური ინტელექტის პოტენციურ საფრთხეებზე, ისევე, როგორც კლიმატის ცვლილებისგან მომდინარე საფრთხეებზე.

„ადამიანები სულ უფრო ხშირად გადასცემენ ძალაუფლებას მანქანებს, ხელოვნური აგენტები კი კონტროლიდან გამოდიან“, - თქვა მან. მან ასევე დასძინა, რომ ხელოვნურ ინტელექტზე დაფუძნებული ავტონომიური იარაღი „სამეცნიერო ფანტასტიკიდან სამხედრო რეალობად გარდაიქმნება“.

„მხოლოდ სამხედრო ძალას არ შეუძლია მშვიდობის უზრუნველყოფა“, - განაცხადა მან.