არჩილ გორდულაძე: ჩვენი მხარდაჭერა ისტორიულ მაქსიმუმზეა, ევრობიუროკრატების აგენტურის - ისტორიულ მინიმუმზე
ჩვენი მხარდაჭერა არის ისტორიულ მაქსიმუმზე, მათი [ევრობიუროკრატების] აგენტურისა ისტორიულ მინიმუმზე, - განაცხადა გადაცემაში „იმედი Live” იურიდიულ საკითხთა კომიტეტის თავმჯდომარე არჩილ გორდულაძემ კითხვაზე, რა გავლენა შეიძლება ჰქონდეს IRI-ის კვლევას ხელისუფლებასა და ევროკავშირს შორის ურთიერთობებში.
მისი თქმით, საქართველო ევრობიუროკრატების წინაშე მართალია.
„თუ ფაქტები ეწინააღმდეგება თეორიებს, მით უარესი ფაქტებისთვის, დაახლოებით პერიფრაზი რომ გავაკეთოთ ცნობილი ფრაზის, ზუსტად ამ მდგომარეობაში არიან სხვადასხვა პოლიტიკურ პოზიციაზე მყოფი უცხოური სახელისა და გვარის მქონე ადამიანები. მაგალითად, სამიტი იმართება შავ ზღვაზე გასასვლელის მქონე ქვეყნების, ყველას დაავიწყდა საქართველო, როგორ დავიჯეროთ, რომ გეოგრაფია არ იციან?!
27 ქვეყნის ელჩი დაირაზმა და მივიდა იუსტიციის მინისტრთან, მიხეილ სააკაშვილი კვდება, გამოუშვითო და ორი განუკურნებელი სენი დაძლია მიხეილ სააკაშვილმა და „ვივამედმა“.
ჩვენ ქართველ ხალხთან უნდა ვიყოთ პირნათელები, იმიტომ, რომ გადაწყვეტილებას ამ ქვეყანაში არ იღებს არც მარტა კოსი, არც კაია კალასი, არც რომელიმე ქვეყნის პრეზიდენტი, სენატორი თუ კონგრესმენი. ამ ქვეყანაში გადაწყვეტილებას იღებს ქართველი ხალხი, ჩვენი მხარდაჭერა არის ისტორიულ მაქსიმუმზე, მათი აგენტურისა ისტორიულ მინიმუმზე. საბოლოოდ ჩვენ მართლები ვართ ამ ხალხის მიმართ“, - განაცხადა არჩილ გორდულაძემ.
იმედი
წყარო: imedinews.ge