არჩილ გორდულაძე: ყველასთვის ცნობილია, რომ შავი ფულის შემოსვლის ყველა ხვრელი ამოვქოლეთ, შესაბამისად, ყველას ვისაც უნდა, რომ საქართველოში თანხა დახარჯოს, აქვს შესაძლებლობა, რომ მთავრობას მიმართოს და თანხმობა აიღოს

არც გვინდა დავუშვათ, რომ ევროსაბჭომ მიზნად დაისახა კანონის გვერდის ავლა, - განაცხადა იურიდიულ საკითხთა საპარლამენტო კომიტეტის თავმჯდომარემ არჩილ გორდულაძემ.

დეპუტატი გამოეხმაურა ბახმაროში გამართული შეხვედრის საკითხს, რომელიც ევროპის საბჭოს მხარდაჭერით, არმაზ ახვლედიანის ორგანიზებით გაიმართა.

„ხომ არ არის ეს იმ შავ ხვრელების და გზების მოძებნის მცდელობა, რომელსაც ერთ-ერთი ევროკომისარი ასე გვიანონსებდა. ყველასთვის ცნობილია, რომ შავი ფულის შემოსვლის ყველა ხვრელი ამოვქოლეთ, შესაბამისად, ყველას ვისაც უნდა, რომ საქართველოში თანხა დახარჯოს, აქვს შესაძლებლობა, რომ მთავრობას მიმართოს და თანხმობა აიღოს“, - აღნიშნა გორდულაძემ.

ცნობისთვის, ბახმაროში გამართულ სემინარს, რომელიც ევროსაბჭოს მხარდაჭერით გაიმართა, აუდიტის სამსახური შეისწავლის.