არჩილ გორდულაძე ქუჩის პროტესტზე: საკუთარი არსებობის გასამართლებლადაც კი სჭირდებათ, რომ გამოვიდნენ და რომელიმე, მაგალითად, 667-ე დღე ჩაატარონ. ეს მათი არსებობის გამოვლინებად არის მიჩნეული

იურიდიულ საკითხთა საპარლამენტო კომიტეტის თავმჯდომარე დავით გორდულაძე ქუჩის პროტესტის არსს აფასებს.

„სამწუხაროდ, ჩვენ გვყავს საქართველოს მოქალაქეები, რომლებიც ჩვენი ქვეყნის მოქალაქეები არიან და ამავდროულად არიან ისეთ მდგომარეობაში, რომ საკუთარი არსებობის გასამართლებლადაც კი სჭირდებათ, რომ გამოვიდნენ და რომელიმე, მაგალითად, 667-ე დღე ჩაატარონ. ეს მათი არსობის და არსებობის გამოვლინებად არის მიჩნეული. ზუსტად იგივეა ფსევდორელიგიური სექტებისთვის დამახასიათებელი იდეოლოგია და სამწუხაროდ, აი, ამ მოცემულობამდე დაეშვნენ ეს ადამიანები“, - განაცხადა არჩილ გორდულაძემ.

აღნიშნულ თემაზე ისაუბრა პრემიერ-მინისტრმა. „მართლა ერთგვარი სექტის სახე მიიღო იმ დაჯგუფებამ, რომელიც ყოველდღიურ რეჟიმში 20, 50, ხან მაქსიმუმ 150 კაცით აწყობს ხოლმე აქციებს და თავად ხედავენ, რომ წარუმატებლობისთვის არის მათი ეს აქციები განწირული, საზოგადოება ხედავს ყველაფერს და სწორედ ამის გამოა, რომ უდიდესი უმრავლესობა მხარს უჭერს არა ე.წ. პროტესტს, არამედ ხელისუფლების მიერ გაცხადებულ და განხორციელებულ კურსს", - განაცხადა ირაკლი კობახიძემ.

პროტესტის შესახებ ვრცელი პოსტი გამოაქვეყნა პარლამენტის თავმჯდომარემ. „ოპოზიციური დღეთაღრიცხვით დღეს „პროტესტის“ 666-ე დღეა. ეს მრგვალი თარიღი კარგი შესაძლებლობაა, საფუძვლიანად აღვწეროთ, როგორ გარდაიქმნა პოლიტიკური პროტესტის აქტივისტთა ჯგუფი ფსევდორელიგიურ მოძრაობად და როგორ მივიღეთ საკუთარი რიტუალების, სიმბოლოების, კალენდრისა და შიდა მორალური წესრიგის მქონე აგრესიული თემი - ფსევდორელოგიური ფუნდამენტალისტური სექტა“, - დაწერა შალვა პაპუაშვილმა.