არჩილ გორდულაძე „ციცინათელასთან“ მდებარე მიწის ნაკვეთთან დაკავშირებულ სპეკულაციებზე: რაც კარგია ამ ქვეყნისთვის, რა თქმა უნდა, ეს არის უარყოფითი კოლექტიური „ნაცმოძრაობისთვის და ამ ბოღმის ნთხევას ვხედავთ ჩვენ მათ მიერ მართული ტელევიზიებიდან

პარლამენტის იურიდიულ საკითხთა კომიტეტის თავმჯდომარე, არჩილ გორდულაძე ოპოზიციის სპეკულაციებს გამოეხმაურა, რომელიც „ციცინათელასთან“ მდებარე მიწის ნაკვეთის შესყიდვას უკავშირდება.

მისი თქმით, რაც კარგია საქართველოსთვის, უარყოფითია კოლექტიური „ნაცმოძრაობისთვის".

„ეს მხოლოდ და მხოლოდ არის პოზიტიური და რადგანაც ეს ასეა და არის დადებითი ჩვენი ქვეყნისთვის, მათ შორის ტურისტების მოზიდვის თვალსაზრისით და პირველ რიგში მოსახლეობისათვის, ამ ყველაფერს ჭკუიდან გადაჰყავს კოლექტიური „ნაცმოძრაობა". ფულის გათეთრებასთან დაკავშირებული ტყუილები და ცრუპენტელობა ისეთივე სიმართლეა, როგორც ის, როცა საუბრობდნენ, რომ დენდროლოგიურ პარკში ადამიანები ვერ შეძლებდნენ უფასოდ შესვლას. ვხედავთ, რომ დენდროლოგიური პარკი არის და შესაძლოა, რომ ადამიანმა ნებისმიერი რეკრეაციული სივრცით თავისუფლად ისარგებლოს, რაც მთავარია უფასოდ. რაც კარგია ამ ქვეყნისთვის, რა თქმა უნდა, ეს არის უარყოფითიa კოლექტიური „ნაცმოძრაობისთვის" და ამ ბოღმის ნთხევას ვხედავთ ჩვენ მათ მიერ მართული ტელევიზიებიdან", - აღნიშნა გორდულაძემ.

ბიძინა ივანიშვილის მორიგი ქველმოქმედება ოპოზიციის მხრიდან კვლავ სპეკულაციებისა და დეზინფორმაციის საგანი გახდა. საქველმოქმედო ფონდ „ქართუს“ და სახელმწიფო ქონების ეროვნულ სააგენტოს შორის შეთანხმება შედგა, რომლის თანახმად, „ციცინათელას“ პარკთან მდებარე არასასოფლო-სამეურნეო დანიშნულების მიწის ნაკვეთი, შპს „აკვა ცენტრისგან“ შეიძინა ფონდმა „ქართუმ“ და იგი სახელმწიფოს უსასყიდლოდ გადასცა. ეს ტერიტორია არსებულ გასართობ სივრცეს შეუერთდება, შედეგად კი, შეიქმნება ერთიანი, მასშტაბური ტურისტული კომპლექსი. ამ ტერიტორიაზე „სთარინგ ჯორჯია“ საქართველოში ყველაზე დიდ დინოპარკს „დინოტოპიას“ გახსნის.