აშშ გეგმავს ირანულ თვითმფრინავებს დაშვების, საწვავით შევსებისა და ბილეთების გაყიდვის საშუალება აუკრძალოს

აშშ-ის ხაზინის მდივნის სკოტ ბესენტის განცხადებით, ამერიკის ხელისუფლება ირანის ეკონომიკურ ბლოკადაში მოქცევას გააგრძელებს და შემდეგი ეტაპი იქნება აკრძალვის დაწესება ირანული ავიაკომპანიებისა და თვითმფრინავებისთვის დაშვებაზე, საწვავით შევსებასა და ბილეთების რეალიზაციაზე.

როგორც ბესენტმა სოციალურ ქსელ X-ში დაწერა, ამერიკის ხაზინის დეპარტამენტი ირანული რეჟიმის წინააღმდეგ კამპანიას „ეკონომიკურ რისხვას“ განაგრძობს.

მისი თქმით, ირანელი სამხედროები ვერ იღებენ ხელფასებს, პოლიცია სამსახურში არ დადის, ხოლო კუნძული ხარკი, რომლის მეშვეობით ირანს მოპოვებული ნავთობის უდიდესი ნაწილი ექსპორტზე გააქვს, დაკეტილია.

ირანის ეკონომიკა და ვალუტა თავისუფალი ვარდნის რეჟიმში იმყოფება, წერს ბესენტი.

„ფოლადის კედლის“ შექმნით, აშშ-ის სამხედრო-საზღვაო ბლოკადამ ირანული ნავთობის ზღვაში გატანა რეკორდულ დონემდე შეამცირა. ჩვენ აგრეთვე ირანულ ავიაკომპანიებს გადავუკეტავთ დაშვების ადგილებს, საწვავით შევსების შესაძლებლობას და ბილეთების გაყიდვას“, - დაწერა ბესენტმა.

The @USTreasury continues our Economic Fury campaign against the Iranian regime. Their troops are not getting paid, the police are not reporting for work, and Kharg Island is shut down. The Iranian economy and currency are in free fall. Iran’s Persian Gulf Strait Authority… — Treasury Secretary Scott Bessent (@SecScottBessent) May 28, 2026