აშშ-ის ცენტრალური სარდლობა: 20 ივნისს ჰორმუზის სრუტე 55-მა სავაჭრო გემმა გადაკვეთა, მათ დიდი მოცულობის ტვირთი და 17 მილიონზე მეტი ბარელი ნავთობი გაიტანეს

20 ივნისს სრუტე 55-მა სავაჭრო გემმა გადაკვეთა, რომელთაც მსოფლიო ბაზრებზე დიდი მოცულობის ტვირთი და 17 მილიონზე მეტი ბარელი ნავთობი გაიტანეს, - ნათქვამია აშშ-ის ცენტრალური სარდლობის მიერ სოციალურ ქსელში გამოქვეყნებულ განცხადებაში.

მათივე ცნობით, საერთაშორისო საზღვაო გზაზე უსაფრთხო გადაადგილება შენარჩუნებულია.

„აშშ-ის ძალები ადგილზე რჩებიან და ინარჩუნებენ მაღალ მზადყოფნას, რათა უზრუნველყონ ირანთან შეთანხმების ყველა ასპექტის დაცვა, შესრულება და სრული განხორციელება“, - აღნიშნულია სარდლობის განცხადებაში.

მანამდე, ირანის სამხედრო სარდლობაში განაცხადეს, რომ ჰორმუზის სრუტეს დახურავენ. მათ მიზეზად ისრაელის მიერ ლიბანზე განხორციელებული თავდასხმები დაასახელეს.