ავსტრალიაში 800 ათასზე მეტი ფუტკარი მოიპარეს

ავსტრალიის ჩრდილო-აღმოსავლეთით, კვინსლენდის შტატში, ადგილობრივი საფუტკრეებიდან უცნობმა პირებმა 800 ათასზე მეტი ფუტკარი მოიპარეს.

მეფუტკრე ტომ ბიდნერის განცხადებით, სამი სხვადასხვა მფლობელისგან ფუტკრის 44 ოჯახი გაიტაცეს. თითოეულ სკაში, სულ მცირე, 20 ათასი ფუტკარი იმყოფებოდა.

„ეს ჯერ კიდევ არ არის დასასრული. ძალიან ბევრი სკა გვაქვს შესამოწმებელი. ახლა საფუტკრეებს ვუვლით და ვითარებას ადგილზე ვამოწმებთ“, - აღნიშნა მან.

ქურდებს თავად სკები კი არა, მხოლოდ ყუთები და ჩარჩოები მიაქვთ. მსგავსი ტიპის ქურდობა სპეციალურ მომზადებასა და შესაბამის აღჭურვილობას მოითხოვს.

„ისინი მოდიან სატვირთო ავტომობილით, რომელიც სპეციალური ტექნიკითაა აღჭურვილი, ჩვენი ჩარჩოები გადააქვთ თავიანთ ყუთებში... შემდეგ კი სკებს ისევ პირვანდელ მდგომარეობაში აწყობენ, რათა ფერმერები ვერ მიხვდნენ, რომ ადგილზე ვინმე იმყოფებოდა“, - განმარტა ბიდნერმა.

მისივე თქმით, ქურდებს თაფლი არ წაუღიათ. ბოლო პერიოდის განმავლობაში ეს რეგიონში ფუტკრების ქურდობის ყველაზე მასშტაბური შემთხვევაა.