ავსტრიასა და სლოვაკეთში ისტორიაში ყველაზე ცხელი დღე დაფიქსირდა☀️

ავსტრიამ და სლოვაკეთმა ისტორიაში ყველაზე ცხელი დღე გადაიტანეს. ქვემო ავსტრიის ფედერალურ მიწაზე მდებარე პატარა ქალაქ ბად-დოიჩ-ალტენბურგში დღისით ტემპერატურამ +41,2 გრადუსს მიაღწია. ამასთან, ქვეყნის დედაქალაქ ვენაში ჰაერი რეკორდულ +41℃-მდე ჯერ კიდევ წინა დღეს, 4 აგვისტოს გათბა.

სამხრეთ სლოვაკეთის მუნიციპალიტეტ კამენიცა-ნად-გრონში, უნგრეთის საზღვართან, ოთხშაბათს +41,4℃ დაფიქსირდა. მანამდე, 3 აგვისტოს, სლოვაკეთმა დუნაიზე ნაოსნობა დროებით შეაჩერა - მდინარეში წყლის დაბალმა დონემ მეორე მსოფლიო ომის დროინდელი ხომალდსაწინააღმდეგო ნაღმი გამოაჩინა.

ექსტრემალური სიცხე სერიოზულ პრობლემებს იწვევს მთელს რეგიონში: მდინარეების დაშრობის გამო დარღვეულია ნაოსნობა, იქმნება რისკები წყალ- და ელექტრომომარაგებისთვის, ენერგეტიკული ობიექტები ამცირებენ გამომუშავებას, ზოგიერთი დასახლებული პუნქტი კი წყლის ნაკლებობას ებრძვის.