AXIOS: მსოფლიო ჩემპიონატის ფინალი აშშ-ში რეკორდულმა 62,8 მილიონმა მაყურებელმა ნახა

კვირას გამართულ FIFA-ს მსოფლიო ჩემპიონატის ფინალს აშშ-ში 62,8 მილიონზე მეტმა ადამიანმა უყურა, რაც მსოფლიო ჩემპიონატის ფინალებისა და ფეხბურთის სატელევიზიო ტრანსლაციების ისტორიაში ამერიკაში ყველაზე მაღალი მაჩვენებელია. ინფორმაციას AXIOS-ი ავრცელებს.

გამოცემის შეფასებით, რეკორდული აუდიტორია ფეხბურთის მზარდ პოპულარობაზე მიუთითებს და, სავარაუდოდ, მომავალში მედია უფლებების ღირებულების ზრდასაც შეუწყობს ხელს.

ფინალურ შეხვედრაში ესპანეთმა მოქმედი ჩემპიონი არგენტინა დამატებით დროში ანგარიშით 1:0 დაამარცხა. Telemundo-ს ინფორმაციით, ეს მატჩი ესპანურენოვანი მაუწყებლობის ისტორიაში ყველაზე ყურებადი საფეხბურთო ტრანსლაციაც გახდა.

აშშ-ში ინგლისურენოვანი ტრანსლაცია, რომლის ექსკლუზიური უფლებაც Fox-ს ეკუთვნოდა, თითქმის 39 მილიონმა მაყურებელმა ნახა. კომპანიის ცნობით, ეს 2022 წლის მსოფლიო ჩემპიონატის ფინალთან შედარებით 132%-ით მეტია.

ამასთან, ესპანურენოვან მაუწყებელ Telemundo-ზე მატჩს თითქმის 24 მილიონი ადამიანი ადევნებდა თვალს, რაც 2022 წლის ფინალის მაჩვენებელს 166%-ით აღემატება.