BBC: გამოქვეყნდა 2025 წელს ინგლისსა და უელსში დაბადებული ჩვილებისთვის დარქმეული ყველაზე პოპულარული სახელები - გოგონების სახელებს შორის პირველ ადგილს ზედიზედ მეათე წელია ოლივია ინარჩუნებს, ხოლო ბიჭების სიაში მესამე წელია ლიდერობს მუჰამედი

გამოქვეყნდა 2025 წელს ინგლისსა და უელსში დაბადებული ჩვილებისთვის დარქმეული ყველაზე პოპულარული სახელები - გოგონების სახელებს შორის პირველ ადგილს ზედიზედ მეათე წელია ოლივია ინარჩუნებს, ხოლო ბიჭების სიაში მესამე წელია ლიდერობს მუჰამედი, - წერს BBC-ი.

აღნიშნულ სიას ეროვნული სტატისტიკის სამსახური (ONS) აქვეყნებს და ის გასული კალენდარული წლის განმავლობაში დაბადების რეგისტრაციის მონაცემებს ეყრდნობა.

სახელების დარქმევის ვებგვერდ „ნეიმბერის“ (Nameberry) ექსპერტმა, კლერ გრინმა განაცხადა, რომ მისთვის „ოლივიასა“ და „მუჰამედის“ კვლავ ლიდერობა მოულოდნელი არ ყოფილა.

„რეიტინგის სათავეში ცვლილებები ძალიან ნელა ხდება და მას შემდეგ, რაც სახელი პოპულარული ხდება, ის, როგორც წესი, საკმაოდ დიდხანს ინარჩუნებს ამ პოზიციას“, - განუცხადა მან BBC-ს.