ბელგიაში მატარებელი სკოლის ავტობუსს შეეჯახა. არიან დაღუპულები და დაშავებულები
ბელგიაში, აღმოსავლეთ ფლანდრიის რეგიონში სარკინიგზო გადასასვლელზე მატარებელი სკოლის ავტობუსს შეეჯახა. ინფორმაციას ბელგიური მედია ავრცელებს.
შეჯახების შედეგად ავტობუსში მყოფი რამდენიმე ადამიანი გარდაიცვალა. დაშავებულთა რაოდენობა ჯერჯერობით უცნობია. მატარებელში მყოფი მგზავრები კატასტროფას უვნებლად გადაურჩნენ.
როგორც ბელგიური მედია წერს, როცა მატარებელი სარკინიგზო გადასასვლელს გადიოდა, წითელი შუქნიშანი ენთო და შლაგბაუმი დაშვებული იყო.
ბელგიის რკინიგზის ოპერატორი კომპანიის Infrabel-ის განცხადებით, მატარებელი ბრიუგედან ბუგენჰაუტში მიემგზავრებოდა.
„გადასასვლელი სადგურიდან ერთ კილომეტრში იყო, მატარებელი სვლას უკვე ანელებდა, თუმცა შეჯახება მაინც ძალიან ძლიერი იყო. მემანქანემ ავარიული მუხრუჭი გამოიყენა, მაგრამ გვიანი იყო“, - აცხადებენ კომპანიაში.
იმედი
წყარო: imedinews.ge