ბექა დავითულიანი: რუსთაველის გამზირის რეაბილიტაციის თანხები არსებობს, ტენდერებთან დაკავშირებული პროცედურებია, სამწუხაროდ, რაღაც შეფერხებები იყო, თუმცა იმედი გვაქვს, მალე დაიწყება
რუსთაველის გამზირის რეაბილიტაციის თანხები არსებობს, ტენდერებთან დაკავშირებული პროცედურებია, სამწუხაროდ, რაღაც შეფერხებები იყო, თუმცა იმედი გვაქვს, მალე დაიწყება, - განაცხადა გადაცემაში „იმედი Live” თბილისის საკრებულოს თავმჯდომარის მოადგილე ბექა დავითულიანმა.
დავითულიანი იმედოვნებს, რომ რეაბილიტაცია შემოდგომის ბოლომდე დასრულდება.
„რუსთაველის გამზირის რეაბილიტაციის თანხები არსებობს, ტენდერებთან დაკავშირებული პროცედურებია, სამწუხაროდ, რაღაც შეფერხებები იყო, თუმცა იმედი გვაქვს მალე დაიწყება, შემოდგომის ბოლომდე იქნებ დასრულდეს კიდეც, იმიტომ, რომ არ შეიძლება სწავლის დაწყებიდან დიდხანს ამ თემის გაწელვა.
უკვე მიმდინარეობს ინგოროყვას ქუჩის რეაბილიტაცია და სულხან საბას ქუჩის რეაბილიტაცია. როცა ასეთ ქუჩებში შედიხარ ბევრი ტექნიკური პრობლემაა, მაგრამ ამ პრობლემებს ვწყვეტთ და იმედი გვაქვს მივიღებთ ისეთივე განახლებულ ინგოროყვას და სულხან საბას ქუჩებს, როგორი ახალი აღმაშენებელი და ორბელიანის მოედანიც მივიღეთ“, - განაცხადა ბექა დავითულიანმა.
იმედი
წყარო: imedinews.ge