ბერლინში რეგიონულ არჩევნებზე მაღალი აქტივობაა

გერმანიაში, ბერლინისა და მეკლენბურგ-წინა პომერანის მიწებზე საპარლამენტო არჩევნები მიმდინარეობს. შუადღისთვის ბერლინში ამომრჩეველთა აქტივობამ 27.9% შეადგინა, რაც 2023 წლის ანალოგიური არჩევნების მაჩვენებელთან შედარებით 4,5%-ით მეტია.

გამოკითხვების მიხედვით, ბერლინში ხმების 22%-ით „მემარცხენეთა პარტია“ ლიდერობს, კანცლერ მერცის „ქრისტიან-დემოკრატიულ კავშირს“ ხმების 20% აქვს, მესამე ადგილს კი 18%-ით ულტრამემარჯვენე პარტია „ალტერნატივა გერმანიისთვის“ იკავებს.

5%-იანი ბარიერის გადალახვის შანსი აქვთ მწვანეებსა და სოციალ-დემოკრატებს. მეკლენბურგ-წინა პომერანიის მიწებზე კი, ბოლო გამოკითხვებით, პირველ ადგილზე ხმათა 37%-ით სოციალ-დემოკრატები არიან. მათ 1%-ით ჩამორჩება პარტია „ალტერნატივა გერმანიისთვის“.