ბიძინა გიორგობიანი ევრობიუროკრატებზე: საქართველოსგან მათ სურთ, რომ სავაჭრო გზებმა საქართველოზე გაიაროს ისე, რომ ამით საქართველომ ვერ ისარგებლოს და მხოლოდ თვითონ ისარგებლონ. ეს მათი ტრადიციული მიდგომაა, ასწლეულების განმავლობაში ჩამოყალიბებული დამოკიდებულება

საქართველოსგან მათ სურთ, რომ სავაჭრო გზებმა საქართველოზე გაიაროს ისე, რომ ამით საქართველომ ვერ ისარგებლოს და მხოლოდ თვითონ ისარგებლონ. ეს მათი ტრადიციული მიდგომაა, ასწლეულების განმავლობაში ჩამოყალიბებული დამოკიდებულება, - განაცხადა გადაცემაში „EURO ანატომია“ პარტია „ერთიანი ნეიტრალური საქართველოს“ პოლიტიკურმა მდივანმა ბიძინა გიორგობიანმა ევრობიუროკრატებზე საუბრისას.

მან იმსჯელა, თუ რა არის საჭირო გლობალური გავლენების დასამარცხებლად.

„გლობალური გავლენების დასამარცხებლად თვითონ ერები და ეროვნული სახელმწიფოები თუ გააკეთებენ რამეს. იმედი მაქვს, რომ ევროკავშირში სუვერენიტეტისკენ მოძრაობა და სუვერენული სახელმწიფოების გაერთიანება კიდევ უფრო იმძლავრებს და ჩვენი პარტნიორებიც იქნებიან ის ევროპული და სუვერენული ქვეყნები, რომლებიც საკუთარი ინტერესებით გამოვლენ“, - განაცხადა გიორგობიანმა.

მისივე თქმით, ევროკავშირში იმპორტის 15%, ანუ დაახლოებით, 350 მლრდ ევროს პროდუქტი ჩინეთიდან შედის.

„ჩინეთიდან ევროპისკენ მიწოდების ჯაჭვი დღეს სრულიად მორღვეულია. ახლა უკვე ცდილობენ, ლოგისტიკის დალაგებას და სხვათა შორის, მოაპყრეს ყურადღება სამხრეთ კავკასიას. თვითონ ვაჭრობენ ძალიან წარმატებით რუსეთთან, ჩინეთთანაც, მაგრამ ისეთ ქვეყნებს, როგორიც საქართველოა, ისინი აღიქვამენ, როგორც დაბალ ღობეს და ცდილობენ, ამ ქვეყნებისგან მიიღონ, რაც შეიძლება, მეტი.

საქართველოსგან მათ სურთ, რომ სავაჭრო გზებმა საქართველოზე გაიაროს ისე, რომ ამით საქართველომ ვერ ისარგებლოს და მხოლოდ თვითონ ისარგებლონ. ეს მათი ტრადიციული მიდგომაა, ასწლეულების განმავლობაში ჩამოყალიბებული დამოკიდებულება. ეს არ არის ერთი რომელიმე ლიდერის, მერცის ან მაკრონის აჩემება“, - აღნიშნა გიორგობიანმა.