ბიძინა გიორგობიანი: ევროკავშირის რომ იყოს ისეთი მიზიდულობის ცენტრი, როგორიც იყო 10 წლის წინ, ასეთი გაფრთხილების მიცემა გაფართოების კომისარს არც მოუწევდა - ევროკავშირს უკვე უჭირს კანდიდატ ქვეყნებთან ურთიერთობა და ცდილობს, იდეოლოგიზებული განცხადებებით თავს მოახვიოს კანდიდატ ქვეყნებს, მათ შორის საქართველოს, თუ საით უნდა ჰქონდეთ ორიენტაცია აღებული

გამოწვევები ფონზე, ევროკავშირს უკვე უჭირს კანდიდატ ქვეყნებთან ურთიერთობა და ცდილობს, იდეოლოგიზებული განცხადებებით , თავს მოახვიოს კანდიდატ ქვეყნებს, მათ შორის საქართველოს, თუ საით უნდა ჰქონდეთ მათ ორინტაცია აღებული და რომელ ეკონომიკურ გაერთიანებაში უნდა მიისწრაფოდნენ ისინი, - განაცხადა „დღის ქრონიკაში“ პარტია „ერთიანი ნეიტრალური საქართველოს“ პოლიტიკურმა მდივანმა, ბიძინა გიორგობიანმა.

იგი მარტა კოსის განცხადებას გამოეხმაურა. მისივე თქმით, ევროკავშირი რომ იყოს ისეთი მიზიდულობის ცენტრი, როგორიც იყო 10 წლის წინ, ასეთი გაფრთხილების მიცემა გაფართოების კომისარს არც მოუწევდა.

„რეალური პოლიტიკა, ევროკავშირის წინაშე მდგარი გამოწვევები, რომელსაც ცდილობს, მოაგვაროს ევროკავშირის სხვადასხვა ლიდერი, სხვა ქვეყნების ჩართულობით, არის ერთი გზა და მეორე გზა არის მკვეთრად იდეოლოგიზებული, ძალიან მოძველებული, ლიბერალური, ინტერნაციონალის მიერ გაკვალული გზა, რომელიც კანდიდატ ქვეყნებს უკარნახებს, თუ საით უნდა იყურონ მათ. სად უნდა გააკეთონ მეტი პრიორიტეტი; ვისთან ითანამშრომლონ ეკონომიკურად, ვისზე იყვნენ დამოკიდებული და ვისზე არ იყვნენ დამოკიდებული.

ევროკავშირის რომ იყოს ისეთი მიზიდულობის ცენტრი, როგორიც იყო 10 წლის წინ, ასეთი გაფრთხილების მიცემა გაფართოების კომისარს არც მოუწევდა. ევროკავშირი არის ღრმა ეკონომიკურ და პოლიტიკურ კრიზისში შესული. ეს გამოწვეულია არა მხოლოდ უკრაინა-რუსეთის ომით, არამედ ეს გამოწვეულია ევროკავშირის შიდა პოლიტიკური სტრუქტურის მოუქნელობით. ამ გამოწვევების ფონზე, ევროკავშირს უკვე უჭირს კანდიდატ ქვეყნებთან ურთიერთობა და ცდილობს ასეთი იდეოლოგიზებული განცხადებებით მოახვიოს კანდიდატ ქვეყნებს თავს, მათ შორის საქართველოს, თუ საით უნდა ჰქონდეთ მათ ორიენტაცია აღებული და რომელ ეკონომიკურ გაერთიანებაში უნდა მიისწრაფოდნენ ისინი.'' - განაცხადა გიორგობიანმა.

მისივე თქმით, ამიტომ აცხადებს მათი პარტია, „ერთიანი ნეიტრალური საქართველო“, რომ ქვეყანა არც ერთ ეკონომიკურ გაერთიანებას მიბმული არ უნდა იყოს.

ცნობისთვის, გაფართოების საკითხებში ევროკომისარმა, მარტა კოსიმ განაცხადა, რომ „ევროკავშირში გაწევრიანების მსურველმა ქვეყნებმა, დონალდ ტრამპის MAGA-ს მოძრაობასთან კავშირები უნდა გაწყვიტონ, რათა ორგანიზაციის წევრობა შეძლონ“.