ბიულეტენების 94%-ის დამუშავების შემდეგ, ფაშინიანის პარტიამ ამომრჩეველთა ხმების ნახევარზე მეტი მიიღო

სომხეთის ცენტრალურმა საარჩევნო კომისიამ, დილის 08:30 საათის მონაცემებით, 2005 საარჩევნო უბნიდან 1924 უბნის მონაცემები გამოაქვეყნა, რითაც ბიულეტენების 94% დაამუშავა.

ამ მონაცემების მიხედვით, 50,07%-ით (689 675 ხმა) მმართველი პარტია „სამოქალაქო კონტრაქტი“ ლიდერობს.

მეორე ადგილზეა პარტიათა ბლოკი „ძლიერი სომხეთი“, რომელმაც 23,35% (321 597 ხმა) მოიპოვა.

მესამე პოზიციას იკავებს პარტიათა ბლოკი „სომხეთი“, ხმათა 9,96%-ით (135 808 ხმა).

თუ დარჩენილი ბიულეტენების დამუშავების შედეგად არაფერი შეიცვალა, სომხეთის ახალ პარლამენტში სწორედ ეს 3 ძალა შევა.