Bloomberg: მსოფლიოს უმდიდრესი ადამიანების ქონება 15 ივნისს რეკორდულად გაიზარდა

პლანეტის 500 ყველაზე მდიდარი ადამიანის ქონება 15 ივნისს 336 მილიარდი დოლარით გაიზარდა. Bloomberg-ის მონაცემებით, ეს ყველაზე დიდი დღიური მატებაა ისტორიაში. ამ ჯგუფის ჯამურმა კაპიტალმა 13,3 ტრილიონ დოლარს მიაღწია.

Bloomberg Billionaires Index-ის რეიტინგის ლიდერმა ილონ მასკმა საკუთარ ქონებას 10%-ზე მეტი შემატა და მისმა კაპიტალმა 1,27 ტრილიონ დოლარს მიაღწია. 12 ივნისს მეწარმე მსოფლიოში პირველი ტრილიონერი გახდა, რაც ბირჟაზე SpaceX-ის გასვლამ განაპირობა. Forbes-ი მის კაპიტალს 1,1 ტრილიონ დოლარად აფასებდა, ხოლო Bloomberg-ი 1,05 ტრილიონ დოლარად.

იმ ადამიანთა სიაში, რომელთა ქონებაც ყველაზე მეტად გაიზარდა, მეორე ადგილზეა მარკ ცუკერბერგი, რომელმაც ერთ დღეში 9,16 მილიარდი დოლარი გამოიმუშავა. საერთო რეიტინგში ის 211 მილიარდი დოლარით მეშვიდე პოზიციას იკავებს.

ლიდერთა სამეულში ასევე შევიდა Oracle-ის თანადამფუძნებელი ლარი ელისონი, რომლის ქონების მატებამ 8,92 მილიარდი დოლარი შეადგინა. საერთო რეიტინგში ელისონი მეხუთე ადგილზეა 247 მილიარდი დოლარით.