ბოლნისის მუნიციპალიტეტის მერიისა და კულტურის ცენტრის ორგანიზებით, სოფელ ტანძიაში სახალხო ფესტივალი „საბა 2026“ აღინიშნა
ბოლნისის მუნიციპალიტეტის მერიისა და კულტურის ცენტრის ორგანიზებით, სოფელ ტანძიაში სახალხო ფესტივალი „საბა 2026“ აღინიშნა.
ღონისძიების ფარგლებში, ბოლნელმა მთავარეპისკოპოსმა ეფრემმა წმინდა ნიკოლოზის სახელობის ეკლესიაში სულხან-საბა ორბელიანის სულის მოსახსენებელი პანაშვიდი გადაიხადა. სტუმრებს შესაძლებლობა ჰქონდათ, დასწრებოდნენ თეატრალურ წარმოდგენას, კონცერტს ადგილობრივი ფოლკლორული და ქორეოგრაფიული ანსამბლების მონაწილეობით. ფესტივალის ფარგლებში, ასევე, გაიმართა ჯგუფ „ეგარის“ კონცერტი, მოეწყო სახვითი და გამოყენებითი ხელოვნების ნიმუშების გამოფენა-გაყიდვა და სპორტული აქტივობები ჭიდაობაში, მკლავჭიდსა და ჭადრაკში.
ფესტივალის დასკვნით ნაწილში ბოლნისის მუნიციპალიტეტის მერმა, ზამურ ჭითანავამ, ბოლნელ მთავარეპისკოპოს ეფრემთან ერთად 2025-2026 სასწავლო წლის წარჩინებულ მოსწავლეებს სიმბოლური საჩუქრები გადასცა.
სახალხო ფესტივალს „საბა 2026“ მერთან ერთად ბოლნისის მუნიციპალიტეტის მერიის ადმინისტრაციული სამსახურის უფროსი გიორგი გასვიანი, მერიის განათლების, კულტურისა და სპორტის სამსახურის უფროსი კობა ჟღენტი, კულტურის ცენტრის დირექტორი ნანა ასათიანი, ადგილობრივი თვითმმართველობის წარმომადგენლები და ბოლნისის საგანმანათლებლო რესურსცენტრის ხელმძღვანელი, იამზე სვანიძე, ესწრებოდნენ.
იმედი
წყარო: imedinews.ge