ბრიტანეთის ახალმა პრემიერ-მინისტრმა ზელენსკის მხარდაჭერა გამოუცხადა

ბრიტანეთის ახლადდანიშნულმა პრემიერ-მინისტრმა, ენდი ბერნემმა განაცხადა, რომ ამ თანამდებობაზე პირველ სატელეფონო ზარებს უკრაინის პრეზიდენტ ვოლოდიმირ ზელენსკისთან და აშშ-ის პრეზიდენტ დონალდ ტრამპთან განახორციელებს.

ბრიტანელმა პოლიტიკოსმა ხაზგასმით აღნიშნა, რომ გააგებინებს ზელენსკის, რომ ლონდონის მხრიდან უკრაინის დახმარების პროცესში „არანაირი ცვლილება“ არ იქნება და ის უკრაინელ ლიდერს „100%-ით“ დაუჭერს მხარს, როგორც ამას მისი წინამორბედი კირ სტარმერი აკეთებდა.

„პრეზიდენტ ზელენსკის არანაირი ეჭვი არ შეეპარება იმაში, რომ ბრიტანეთის მხარდაჭერა ურყევი და მტკიცეა. ეს მხარდაჭერა მის გვერდით იქნება და მეც პირადად მის გვერდით ვიქნები“, - უთხრა ბერნემმა ჟურნალისტებს.