BTS-ის ისტორიული რეკორდი: ARIRANG-მა ტეილორ სვიფტის მიღწევას გადაასწრო

კეი-პოპ ჯგუფმა BTS მუსიკალურ სამყაროში მორიგი ისტორიული რეკორდი დაამყარა. მათი ახალი ალბომი ARIRANG ერთადერთი ნამუშევარი გახდა მუსიკის ისტორიაში, რომლის აბსოლუტურად ყველა ტრეკი Billboard Global 200-ის ჩარტში ზედიზედ 7 კვირის განმავლობაში ნარჩუნდება. ამ ფენომენალური შედეგით ჯგუფმა ტეილორ სვიფტის ალბომის The Life of a Showgirl რეკორდი მოხსნა.

Billboard Global 200-ის რეიტინგი მსოფლიოს 200-ზე მეტ ტერიტორიაზე ციფრული გაყიდვებისა და სტრიმინგების მონაცემებს ეყრდნობა. აქამდე არცერთ არტისტს არ მოუხერხებია ალბომის სრული შემადგენლობის ასე ხანგრძლივად შენარჩუნება ჩარტების სათავეებში. BTS-ის ახალმა მიღწევამ კიდევ ერთხელ ხაზი გაუსვა მათ უპრეცედენტო გავლენას თანამედროვე პოპ-კულტურაზე და მათი ფანების, „ARMY“-ს, განსაკუთრებულ აქტიურობას.

ARIRANG-ი 20 მარტს გამოვიდა და ჯგუფის პირველი ერთობლივი ნამუშევარი გახდა, სავალდებულო სამხედრო სამსახურის გავლის შემდეგ.