ჩინელმა ქალმა სერიალი დააფინანსა რათა თავის საყვარელ მსახიობთან 60 კოცნის სცენაში გადაღებულიყო

მდიდარმა ჩინელმა ქალმა ინვესტიცია ჩადო მიკროსერიალში, რათა მასში თავის საყვარელ მსახიობთან, ჩჟუნ იუიფეისთან ერთად ეთამაშა. ქალმა მოითხოვა, რომ სცენარში რამდენიმე ათეული კოცნის სცენა დაემატებინათ.

ადგილობრივი მედიის ცნობით, სერიალის რეჟისორმა, მენ სინმა სოციალურ ქსელებში გააზიარა, რომ ქალმა 50-ზე მეტი სერიის გადაღება მოითხოვა. ინვესტორი პრინცესას როლს ასრულებდა, ხოლო ჩჟუნ იუიფეი „დაცემული პრინცს“.

რეჟისორის თქმით, ინტიმური სცენების დიდი რაოდენობის გამო, პლატფორმამ, რომელზეც სერიალი უნდა გასულიყო, კოცნის 20-ზე მეტი კადრის ამოჭრა მოითხოვა, რამაც ინვესტორის უკმაყოფილება გამოიწვია. მან უარი თქვა რეჟისორისთვის ჰონორარის დარჩენილი ნაწილის - 30 ათასი იუანის გადახდაზე, რის შემდეგაც მენ სინმა კონფლიქტის შესახებ საჯაროდ საუბარი გადაწყვიტა.

რეჟისორის სიტყვებს მსახიობი ჩჟუნ იუიფეიც გამოეხმაურა. მან გამოაქვეყნა ვიდეო, სადაც განაცხადა, რომ კოცნისა და სხვა ინტიმური სცენები სცენარის შესაბამისად გადაიღეს. თუმცა მან სინანულით დასძინა, რომ „კოცნის სცენების გადაღებისას ენა არ უნდა გამოიყენო“.