ჭოუ ციენი: მჯერა, რომ შანხაისა და თბილისს შორის პირდაპირი ავიამიმოსვლა დიდ ნაბიჯი იქნება ჩვენი, როგორც ეკონომიკური, ასევე კულტურული დაკავშირებისკენ

მჯერა, რომ შანხაისა და თბილისს შორის პირდაპირი ავიამიმოსვლა დიდ ნაბიჯი იქნება ჩვენი, როგორც ეკონომიკური, ასევე კულტურული დაკავშირებისკენ, - განაცხადა ჩინეთის სახალხო რესპუბლიკის საგანგებო და სრულუფლებიანმა ელჩმა ჭოუ ციენმა თბილისსა და შანხაის შორის პირდაპირი რეგულარული ავიამიმოსვლის დაწყებისადმი მიძღვნილ ღონისძიებაზე სიტყვით გამოსვლისას.

მან საქართველოსა და ჩინეთს შორის სტრატეგიული პარტნიორობის მნიშვნელობას გაუსვა ხაზი.

„შანხაისა და თბილისს შორის პირდაპირი ფრენების დაწყება კიდევ უფრო დააახლოებს საქართველოსა და ჩინეთს. მიუხედავად იმისა, რომ ჩინეთი და საქართველო ტერიტორიულად არც ისე ახლოს არიან ერთმანეთთან, გვაქვს ძალიან დიდი კულტურული და მეგობრული კავშირები. 2023 წელს გაფორმებულმა სტრატეგიული პარტნიორობის შეთანხმებამ შედეგი გამოიღო. შანხაი ეკონომიკური თვალსაზრისით ჩინეთის ერთ-ერთი წამყვანი ქალაქია.

მჯერა, რომ შანხაისა და თბილისს შორის პირდაპირი ავიამიმოსვლა დიდ ნაბიჯი იქნება ჩვენი, როგორც ეკონომიკური, ასევე კულტურული დაკავშირებისკენ. ვფიქრობ, ეს ნაბიჯი მოტივაციას მისცემს სხვა ავიახაზებსაც, რომ შანხაისა და თბილისის გარდა პირდაპირი ავიამიმოსვლა დაიწყოს ჩინეთის სხვა წამყვან ქალაქებთანაც”, - განაცხადა ელჩმა.

თბილისსა და შანხაის შორის პირდაპირი ავიამიმოსვლა დაიწყო. საქართველოს ავიაბაზარზე ჩინეთის ერთ-ერთი უმსხვილესი და წამყვანი ავიაკომპანია China Eastern Airlines შემოვიდა და ისტორიაში პირველად, თბილისსა და შანხაის შორის პირდაპირი რეგულარული რეისი შეასრულა. ავიაკომპანია პირდაპირ ფრენებს კვირაში სამჯერ: ოთხშაბათს, პარასკევსა და კვირას შეასრულებს.