დაცული ტერიტორიების სააგენტოში კორეის რესპუბლიკის ეროვნული პარკების კვლევითი ინსტიტუტის (KNPRC) დელეგაციასთან შეხვედრა გაიმართა
დაცული ტერიტორიების სააგენტოში კორეის რესპუბლიკის ეროვნული პარკების კვლევითი ინსტიტუტის (KNPRC) დელეგაციასთან შეხვედრა გაიმართა.
დელეგაციის წევრებს დაცული ტერიტორიების სააგენტოს თავმჯდომარის მოადგილე თამარ ხახიშვილი შეხვდა. შეხვედრაზე მხარეებმა არსებული თანამშრომლობა შეაჯამეს და ახალი ერთობლივი ინიციატივების განხორციელების შესაძლებლობებზე ისაუბრეს.
შეხვედრის ფარგლებში ასევე გაიმართა ერთობლივი სემინარი თემაზე „დაცული ტერიტორიები და კლიმატის ცვლილებაზე რეაგირება“.
თანამშრომლობის ფარგლებში კორეის მხარემ საქართველოს დაცული ტერიტორიების სააგენტოს ყაზბეგის ეროვნულ პარკში დასამონტაჟებლად ორი ავტომატური მეტეოროლოგიური სადგური გადასცა. სადგურები გარემოსა და კლიმატური პირობების უწყვეტი მონიტორინგისთვის იქნება გამოყენებული და მიღებული მონაცემები დაცული ტერიტორიის მართვისა და კლიმატის ცვლილების გავლენის შეფასებას შეუწყობს ხელს.
“ეს მოწყობილობა კლიმატის ცვლილების გავლენას დააკვირდება და მნიშვნელოვან სამეცნიერო მონაცემებს მოგვაწვდის. ყაზბეგის ეროვნული პარკი, თავისი ალპური და სუბალპური ეკოსისტემებით, განსაკუთრებით მნიშვნელოვანია ასეთი კვლევებისთვის. სადგურები მოგვცემს ინფორმაციას ტემპერატურის, ტენიანობის, ნალექისა და ქარის შესახებ, რაც დაგვეხმარება კლიმატური ცვლილებების გრძელვადიან მონიტორინგში”, - განაცხადა კორეის ეროვნული პარკების კვლევითი ინსტიტუტის დირექტორმა კიმ ჯონ-ტაემ.
იმედი
წყარო: imedinews.ge