დავით მათიკაშვილი ოპოზიციურ ალიანსზე: მოძალადე მეხუთე კოლონა, რომელიც საქართველოში მოქმედებს ვითომ ცდილობს საზოგადოებასთან ახლო კომუნიკაცია იქონიოს, ამავდროულად შეხვედრებიდან ყრიან ხალხს, ჟურნალისტებს არ უშვებენ

მოძალადე მეხუთე კოლონა, რომელიც საქართველოში მოქმედებს ვითომ ცდილობს საზოგადოებასთან ახლო კომუნიკაცია იქონიოს, ამავდროულად შეხვედრებიდან ყრიან ხალხს, ჟურნალისტებს არ უშვებენ, - განაცხადა საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა ოპოზიციურ ალიანსზე საუბრისას.

მისივე თქმით, რანაირი შეხვედრებია იქ, სადაც თუნდაც სხვადასხვა მოსაზრების მქონე ადამიანები არ ესწრებიან, ან თუნდაც მხოლოდ ერთი პროპაგანდისტული მიმართულების ტელეარხები აშუქებენ.

„ნათელია, რომ მათ არაფერი აქვთ საზოგადოებასთან სალაპარაკო. სინამდვილეში არანაირი მხარდაჭერა მათ არ გააჩნიათ ჩვენი საზოგადოებისგან და ეს ყველაფერი არის იმდენად ფასადური, რომ ვერანაირ კრიტიკას ვერ უძლებს“, - აღნიშნა დავით მათიკაშვილმა.

ოპოზიციაში დაპირისპირება გრძელდება. ამჯერად ფეისბუკ სტატუსებით ერთმანეთს კვლავ თამარ ჩერგოლეიშვილი და მიხეილ სააკაშვილი დაუპირისპირდნენ.