დავით მათიკაშვილი რადიკალებზე: ეს არის მათი რეალური შიში იმ ცვლილებების მიმართ, რომელიც ხორციელდება, რამეთუ იციან - წარმატებული ადამიანები, რომლებიც დღეს სამსახურებრივ სტატუსს იცვლიან, მათ დესტრუქციულ საქმიანობას ხელს შეუშლიან

„ხავსს ეჭიდებიან. რეალურად, არანაირი არგუმენტი არ აქვთ იმისთვის, რომ რაიმე ფორმით, შინაარსობრივად გააპროტესტონ ეს მოცემულობა“, - განუცხადა „ქრონიკას“ საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა სამთავროო ცვლილებებთან დაკავშირებით რადიკალების ნარატივზე.

კერძოდ, ცვლილების ფონზე მამუკა მდინარაძის მიმართ დეზინფორმაციული კამპანია გააქტიურდა.

მათიკაშვილის თქმით, ეს არის მათი რეალური შიში იმ ცვლილებების მიმართ, რომელიც ხორციელდება.

„ხავსს ეჭიდებიან. რეალურად, არანაირი არგუმენტი არ აქვთ იმისთვის, რომ რაიმე ფორმით, შინაარსობრივად გააპროტესტონ ეს მოცემულობა. ეს არის მათი რეალური შიში იმ ცვლილებების მიმართ, რომელიც ხორციელდება, რამეთუ იციან, წარმატებული ადამიანები, რომლებიც დღეს სამსახურებრივ სტატუსს იცვლიან და მათი ქმედებები სახელმწიფოებრივი თვალსაზრისით კიდევ უფრო ეფექტური გახდება, ბუნებრივია მათ დესტრუქციულ, ანტისახელმწიფოებრივ საქმიანობას, პროცესებს ხელს შეუშლიან“, - აღნიშნა მან.