დავით მათიკაშვილი: შეერთებულ შტატებში ფარას კანონმდებლობის გამკაცრებამ კიდევ ერთხელ წერტილი დაუსვა იმ სრულიად მავნებლურ პოლიტიკას, რასაც რადიკალები ქვეყნის შიგნით და ქვეყნის გარეთ მათი დამფინანსებლები აწარმოებდნენ საქართველოში გამჭვირვალობის შესახებ კანონის მიღების დროს
აშშ-თვის, საფრანგეთისთვის, ევროკავშირის სხვადასხვა ქვეყნისთვის, კანადისთვის აუცილებელია გამჭვირვალობის კანონმდებლობის არსებობდა, ხოლო საქართველოში, თურმე ეს ყოფილა დემოკრატიის უკუსვლა, - განაცხადა საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილმა.
მან აშშ-ის მიერ უცხოელი აგენტების რეგისტრაციის შესახებ კანონის გამკაცრების ფაქტზე გააკეთა კომენტარი და აღნიშნა, რომ საქართველოში გამჭვირვალობის შესახებ კანონს დამტკიცების დროს რუსული უწოდეს, როდესაც იგი სიტყვა-სიტყვით გადმოთარგმნილი იყო ფარადან.
„შეერთებულ შტატებში ფარას კანონმდებლობის გამკაცრებამ კიდევ ერთხელ წერტილი დაუსვა იმ სრულიად მავნებლურ პოლიტიკას, რასაც რადიკალები ქვეყნის შიგნით და ქვეყნის გარეთ მათი დამფინანსებლები, იქნებოდა ეს ევრობიუროკრატია თუ ბაიდენის ადმინისტრაცია, აწარმოებდა საქართველოში გამჭვირვალობის შესახებ კანონის მიღების დროს; როგორ უწოდეს მას რუსული კანონი, როდესაც ფარა იყო სიტყვა-სიტყვით გადმოთარგმნილი.
აშშ-თვის, საფრანგეთისთვის, ევროკავშირის სხვადასხვა ქვეყნისთვის, კანადისთვის აუცილებელია გამჭვირვალობის კანონმდებლობის არსებობდა, ხოლო საქართველოში, თურმე ეს ყოფილა დემოკრატიის უკუსვლა“, - განაცხადა მათიკაშვილმა.
ცნობისთვის, აშშ-ის სენატის საგარეო ურთიერთობათა კომიტეტმა დაამტკიცა ორპარტიული კანონპროექტი, რომელიც უცხო ქვეყნების, მათ შორის ჩინეთის, რუსეთის, ირანის, ჩრდილოეთ კორეისა და კუბის გავლენის შეზღუდვასა და მათი აგენტების საქმიანობის გამჭვირვალობის გაზრდას ითვალისწინებს.
