დღეს ყოვლადწმინდა ღვთისმშობლისადმი საქართველოს წილხვდომილობის დღესასწაული აღინიშნება
დღეს ყოვლადწმინდა ღვთისმშობლისადმი საქართველოს წილხვდომილობის დღესასწაული აღინიშნება.
ღვთისმშობლისადმი საქართველოს წილხვდომილობის დღედ 12 მაისი 2018 წლის 27 დეკემბერს საქართველოს ეკლესიის წმინდა სინოდის განჩინებით გამოცხადდა.
ღვთისმშობლისადმი საქართველოს წილხვდომილობის დღესასწაულის აღნიშვნა ნიშნავს ქვეყნის ისტორიაში დედაღვთისას მიერ გაწეული ღვაწლის გახსენებასა და გაცნობიერებას. ღვთისმშობლის მისია საქართველოში ქრისტიანობის შემოტანა და გავრცელება იყო. ამ მიზნის განსახორციელებლად მან პირველ საუკუნეში თავისი ხელთუქმნელი ხატით ანდრია პირველწოდებული გამოაგზავნა, ხოლო IV საუკუნის დასაწყისში ვაზის ჯვრით - მოციქულთასწორი წმინდა ნინო.
უფალმა მოციქულთა შორის პირველად წმინდა მოციქულ ანდრიას მოუწოდა, რომელიც წმინდა პეტრე მოციქულის ძმა იყო. ამიტომაც მას პირველწოდებული ეწოდა. საქართველოში წამოსვლამდე წმინდა ანდრიას ღვთისმშობელმა ამცნო, რომ მის წილხვედრ ქვეყანაში უნდა ექადაგა. წმინდა მოციქული პირველად ქართლის ტერიტორიაზე, დიდაჭარაში შემოვიდა. მას თან ყოვლადწმინდა ღვთისმშობლის მიერ ბოძებული ხელთუქმნელი ღვთისმშობლის ხატი ჰქონდა.
იმედი
წყარო: imedinews.ge