„დღის პირველი ნახევარი იქნება ძირითადად საბავშვო აქტივობებით დატვირთული, ხოლო მეორე ნახევარი მიეძღვნება უფროსებს - სხვადასხვა კუთხიდან მოწვეული შეფები ვიზიტორებს 26 მაისისთვის შექმნილ მენიუებს შესთავაზებენ“ - რა ღონისძიებებია დაგეგმილი დედაქალაქში
თბილისის მერიის სახელით ყველას ვულოცავთ საქართველოს დამოუკიდებლობის დღეს და ველოდებით თბილისელებს და თბილისის სტუმრებს ორბელიანის მოედანზე, - განაცხადა თბილისის მერიის ღონისძიებების უზრუნველყოფის სამსახურის უფროსმა, ნინუცა ბუცხრიკიძემ.
მისი თქმით, ღონისძიებების ეპიცენტრი იქნება ათონელის, ფხოვისა და ფურცელაძის ქუჩები.
„დღის პირველი ნახევარი იქნება ძირითადად საბავშვო აქტივობებით დატვირთული, ხოლო დღის მეორე ნახევარი მიეძღვნება უკვე უფროსებს და დღის ბოლოს ღონისძიებების ციკლი დასრულდება გალაკონცერტით.
რაც შეეხება თბილისის მერიის განსაკუთრებულ კუთხეს, წელს წარმოდგენილი იქნება ფუდმარკეტი საქართველოს სხვადასხვა კუთხიდან მოწვეული შეფებით და შეფები კონკრეტულად 26 მაისისთვის შექმნილი მენიუებს შესთავაზებენ ვიზიტორებს და იქნება ათეულობით მეწარმე ათონელის ქუჩაზე, რომლებიც უნიკალურ ხელნაკეთ აქსესუარებს შესთავაზებენ აქ მოსულ ადამიანებს. ამიტომ ველოდებით ყველას დღის 12 საათიდან გვიან ღამემდე ორბელიანის მოედანზე“, - განაცხადა ბუცხრიკიძემ.
იმედი
წყარო: imedinews.ge