დონალდ ტუსკმა ნავროცკისა და ზელენსკის დიალოგისკენ საჯაროდ მოუწოდა

პოლონეთის პრემიერ-მინისტრმა პოლონეთისა და უკრაინის პრეზიდენტებს ღია და პირდაპირი დიალოგისკენ მოუწოდა. დონალდ ტუსკმა სოციალურ ქსელში დაწერა, რომ ორ ქვეყანას შორის უთანხმოების განმუხტვის მიზნით, დიპლომატიურმა ძალისხმევამ შედეგი ვერ გამოიღო.

„ვინაიდან დიპლომატიამ შედეგი არ გამოიღო, მე საჯაროდ მივმართავ პრეზიდენტებს ნავროცკისა და ზელენსკის პირდაპირი და გულწრფელი საუბრისკენ მოწოდებით, სანამ ემოციებმა გაანადგურებს ჩვენი სოლიდარობა, რომელიც რუსული საფრთხის წინაშე დაიბადა. თანამშრომლობა ორივე ჩვენი სახელმწიფოსა და ერის ინტერესებს ემსახურება, მაშინ როცა კონფლიქტი მოსკოვის ინტერესებში შედის. ეს, რა თქმა უნდა, ყველასთვის აშკარაა“, - წერს ტუსკი.

პოლონეთსა და უკრაინას შორის ურთიერთობები ზელენსკის მიერ სამხედრო დანაყოფისთვის უკრაინის მეამბოხეთა არმიის სახელის მინიჭებამ დაძაბა. დღეს პოლონეთში ზელენსკისთვის უმაღლესი ორდენის, ოქროს არწივის ჩამორთმევის საკითხსაც განიხილავენ. ოპოზიციურმა პარტიამ, „კანონი და სამართლიანობამ“ კი სეიმში პოლონელების გენოციდში დამნაშავეთა სიმბოლიკის ამკრძალავი კანონპროექტი შეიტანა.