დონალდ ტუსკმა პოლონეთში უკრაინელების მიმართ ძალადობა დაგმო

უკრაინელ წყვილზე მომხდარი სასტიკი თავდასხმის შემდეგ, პოლონეთის მთავრობის ხელმძღვანელმა, დონალდ ტუსკმა მკვეთრად გააკრიტიკა ქვეყანაში უკრაინელების მიმართ მზარდი ძალადობა.

რუსეთის აგრესიული ომის დაწყების შემდეგ მთელი მსოფლიო აღფრთოვანებული იყო მეზობელი ქვეყნიდან ლტოლვილების მიმართ პოლონელების სოლიდარობით - შეახსენა მან საზოგადოებას სამშაბათს.

„ეს ყველაფერი ახლა ინგრევა, თუკი ხულიგნებს, ბანდიტებსა და ჩვეულებრივ დამნაშავეებს ნებას დავრთავთ, სცემონ და დამცირონ ადამიანები მხოლოდ იმის გამო, რომ მათ ოდნავ განსხვავებული აქცენტი აქვთ“, - ხაზგასმით აღნიშნა პოლონეთის პრემიერ-მინისტრმა და ქვეყნის პრეზიდენტს, კაროლ ნავროცკის მოუწოდა, მიიღოს აუცილებელი ზომები სიტუაციის ნორმალიზებისთვის.

26 ივლისს, პოლონურ ვროცლავში, სამი მამაკაცი სასტიკად გაუსწორდა უკრაინელ წყვილს - 20 წლის გოგოსა და 21 წლის ბიჭს. დაზარალებულის დედის თქმით, თავდასხმის მიზეზი მათი აქცენტი გახდა. მომდევნო დღეს ქალაქის მერმა, იაცეკ სუტრიკმა, „სასტიკი თავდასხმების“ გამო აღშფოთება გამოთქვა, თუმცა Facebook-ის პოსტში კონკრეტული ინციდენტი პირდაპირ არ უხსენებია.