ეკა კუპატაძე სასამართლოს გადაწყვეტილებაზე: ყველაფერს გავაკეთებ იმისთვის, რომ ყველა დამნაშავემ ასე მოისმინოს უმაღლესი სასჯელი. დემეტრე ჯინჯოლიამ, ახალგაზრდა მოსამართლემ უშიშრად, სამართლიანი სიტყვით ღირსეულად დაიცვა ღირსეული ახალგაზრდის გიგა ავალიანის ღირსება

ყველაფერს გავაკეთებ იმისთვის, რომ ყველა დამნაშავემ ასე მოისმინოს უმაღლესი სასჯელი. დემეტრე ჯინჯოლიამ, ახალგაზრდა მოსამართლემ უშიშრად, სამართლიანი სიტყვით ღირსეულად დაიცვა ღირსეული ახალგაზრდის გიგა ავალიანის ღირსება, - განაცხადა გიგა ავალიანის დედამ, ეკა კუპატაძემ სასამართლოს მიერ გამოტანილი განაჩენის შეფასებისას.

მისი თქმით, მოსამართლემ გამოიტანა სამართლიანი განაჩენი.

ცნობისთვის, პროკურატურის მიერ წარდგენილი მტკიცებულებების საფუძველზე, ჯგუფურად გიგა ავალიანის ჯანმრთელობის განზრახ მძიმე დაზიანების მომზადების ფაქტზე ბრალდებულს 9 წლით და 9 თვით, ხოლო დანაშაულის შეუტყობინებლობის ფაქტზე ბრალდებულს 5 წლით და 3 თვით თავისუფლების აღკვეთა მიესაჯა.