Euronews: ტოქსიკური შეტყობინებები ინტერნეტში ევროპაში კვლავ ფართოდ არის გავრცელებული და ადამიანებს მათი სამიზნე პოლიტიკური შეხედულებების, რასისა და იდენტობის ნიშნით ხდებიან

Euronews-ი ევროპის მასშტაბით ინტერნეტში სიძულვილის ენის შემცველი განცხადებების შესახებ მიმოხილვას აქვეყნებს. პუბლიკაციაში სახელწოდებით „სიძულვილის ენა ინტერნეტში: ვინ აწყდება ყველაზე მეტ ონლაინ ტოქსიკურობას ევროპაში?“ გამოცემა აღნიშნავს, რომ ტოქსიკური შეტყობინებები ინტერნეტში ევროპაში კვლავ ფართოდ არის გავრცელებული და ადამიანებს მათი სამიზნე პოლიტიკური შეხედულებების, რასისა და იდენტობის ნიშნით ხდებიან.

Eurostat-ისა და ონლაინ სიძულვილის ევროპული ობსერვატორიის უახლესი მონაცემებით, 2025 წელს ევროკავშირის მომხმარებელთა თითქმის ნახევარი ინტერნეტში მტრულ და დამამცირებელ კონტენტს წააწყდა. ტოქსიკურობის ყველაზე მაღალი მაჩვენებლები ირლანდიაში, უნგრეთში, ფინეთსა და სლოვაკეთში დაფიქსირდა, ხოლო ყველაზე მშვიდი გარემო ლატვიაში, საბერძნეთში, გერმანიასა და ლიეტუვაში.

ინტერნეტში თავდასხმის მთავარი სამიზნე ადამიანების პოლიტიკური შეხედულებები, რასობრივი კუთვნილება, სექსუალური ორიენტაცია და რელიგიური მრწამსი იყო, სადაც განსაკუთრებით ხშირად ანტისემიტური, ანტიმუსლიმური და ლტოლვილების საწინააღმდეგო გზავნილები ფიქსირდებოდა. ამასთანავე, ჟურნალ Nature-ის კვლევამ აჩვენა, რომ პოლიტიკურ დისკუსიებში ყველაზე აგრესიულ ჯგუფს სტაბილურად ახალგაზრდა კაცები წარმოადგენენ.

რაც შეეხება თავად პლატფორმებს, ყველაზე ტოქსიკურ სოციალურ ქსელად კვლავ X (ყოფილი ტვიტერი) დასახელდა, რომელმაც ამ მაჩვენებლით გაუსწრო YouTube-ს, Facebook-ს, Instagram-სა და TikTok-ს. მიუხედავად ლიდერობისა, სპეციალისტები აღნიშნავენ, რომ X-ზე ტოქსიკურობის დონე სტაბილური დარჩა ან შემცირდა კიდეც. მაგალითად, 2024 წელი X-მა 0.24 ქულით დაასრულა, რაც EOOH-ის სკალაზე საშუალო ტოქსიკურობას შეესაბამება - ქულების სხვაობამ 2025 წელთან შედარებით 0.01 შეადგინა.