Euronews: უნგრეთის პარლამენტმა პეტერ მადიარს იმუნიტეტი მოუხსნა
უნგრეთის პარლამენტმა პრემიერ-მინისტრ პეტერ მადიარს საპარლამენტო იმუნიტეტი მოუხსნა. ინფორმაციას Euronews-ი ავრცელებს.
პროკურატურა ამტკიცებს, რომ 2024 წელს, ღამის კლუბში ყოფნისას, მან ტელეფონი წაართვა მამაკაცს, რომელიც მას ვიდეოს უღებდა, შემდეგ კი მოწყობილობა მდინარე დუნაიში გადააგდო. მადიარს იმუნიტეტი სწორედ ამ სავარაუდო ქურდობის ფაქტის გამოძიების ფარგლებში მოუხსნეს. ის თავად ითხოვდა იმუნიტეტის მოხსნას, რათა, მისი თქმით, „რეპუტაციის დისკრედიტაციისგან“ თავი აერიდებინა. მადიარმა საქმეს „ფარსი“ უწოდა. ტელეარხის ცნობით, ეს გადაწყვეტილება მის წინააღმდეგ სისხლის სამართლის საქმეზე გამოძიების დაწყების შესაძლებლობას იძლევა.
გარდა ამისა, დღევანდელ კენჭისყრაზე უნგრეთის პარლამენტმა ყოფილი პრემიერ-მინისტრის ვიქტორ ორბანის მმართველობის პერიოდში თანამდებობაზე მყოფ ორ ყოფილ მინისტრსაც მოუხსნა იმუნიტეტი. საქმე ეხება კულტურის ყოფილი მინისტრ ბალაშ ჰანკოს და განვითარების ყოფილი მინისტრ მიკლოშ სესტაკს.
ორბანის მთავრობის ყოფილ მინისტრებს მილიონობით ევროს ოდენობის კორუფციაში ედებათ ბრალი. ორბანის პარტია „ფიდესმა“ და მისმა მოკავშირე „ქრისტიან-დემოკრატიულმა სახალხო პარტიამ“ კენჭისყრაში მონაწილეობაზე უარი განაცხადეს.
იმედი
წყარო: imedinews.ge