ევროპარლამენტარი ლუბოშ ბლაჰა: ევროპისთვის ყველაზე დიდი ჰიბრიდული საფრთხე რუსეთი კი არა, ქალბატონი კალასია, რომელსაც ბირთვულ ომში ჩვენი ჩათრევა სურს. ომის წამქეზებელი თქვენ ხართ, ქალბატონო კალას. ჯანდაბამდეც გზა გქონიათ
ევროპარლამენტარმა ლუბოშ ბლაჰამ ევროკავშირის უმაღლესი წარმომადგენელი საგარეო ურთიერთობათა საკითხებში კაია კალასი მწვავედ გააკრიტიკა.
ევროპარლამენტში სიტყვით გამოსვლისას მან აღნიშნა, რომ ევროპისთვის ყველაზე დიდი ჰიბრიდული საფრთხე რუსეთი კი არა, კალასია, რომელსაც ბირთვულ ომში ევროპის ჩართვა სურს.
„ქალბატონებო და ბატონებო, ევროპისთვის დიდ ჰიბრიდულ საფრთხეს წარმოადგენს არა რუსეთი, არამედ აქ მყოფი ქალბატონი კალასი, რომელსაც ბირთვულ ომში ჩვენი ჩათრევა სურს. თქვენ მოგეხსენებათ, თუ რა არის სასოწარკვეთილება. გერმანიის ისტებლიშმენტი არჩევნებში AfD-ს დასამარცხებლად ორგანიზებას უწევს სადაზვერვო ოპერაციას ლაიფციგში და ამაში ბრალს სდებს რუსეთს. მათ მთლიანად გაანადგურეს ურთიერთობები რუსეთთან და მაინც წააგეს არჩევნები“, - განაცხადა ბლაჰამ.
მან აგრეთვე აღნიშნა, რომ ევროპელი პოლიტიკოსები თავს დაესხნენ რუსეთს, სადაც ათწლეულების განმავლობაში რეჟიმის შეცვლას ცდილობდნენ.
„სწორედ თქვენ დაესხით თავს რუსეთს, გაფართოვდით რუსეთის საზღვრებამდე და ათწლეულების განმავლობაში ცდილობდით ქვეყანაში რეჟიმის შეცვლას. ომის წამქეზებელი თქვენ ხართ, ქალბატონო კალას. ჯანდაბამდეც გზა გქონიათ“, - თქვა
მან კალასს ასევე შეახსენა, რომ რუსეთს ევროკავშირის არცერთ ქვეყანაზე არ მიუტანია იერიში.
იმედი
წყარო: imedinews.ge