Forbs: „ტრამპ თაუერ თბილისი“ 70-სართულიანი მრავალფუნქციური შენობა იქნება ხედებით ქალაქის ცენტრალურ პარკზე. ეს იქნება ნაწილი მასშტაბური პროექტის, „დაუნთაუნ თბილისის“, რომლის ღირებულებაც 2 მილიარდი დოლარია

ამერიკული გამოცემები Forbs-ი და Newsweek-ი თბილისში დაგეგმილი მასშტაბური მრავალფუნქციური კომპლექსის, „The Tbilisi Downtown“-ის პირველ ესკიზს აქვეყნებენ. სტატიებში ნათქვამია, რომ პროექტის ღირებულება ორ მილიარდ დოლარს შეადგენს. კომპლექსი 6 შენობისგან შედგება, რომელთაგანაც ცენტრალურ ადგილს „Trump Tower Tbilisi“ იკავებს. როგორც ამერიკული გამოცემები წერენ, ტრამპის ცათამბჯენი საქართველოში ყველაზე მაღალი ნაგებობა იქნება და თბილისში ახალი, ფართომასშტაბიანი განვითარების ცენტრს შექმნის.

„ტრამპ თაუერ თბილისი“ 70-სართულიანი მრავალფუნქციური შენობა იქნება ხედებით ქალაქის ცენტრალურ პარკზე. ეს იქნება ნაწილი მასშტაბური პროექტის, „დაუნთაუნ თბილისის“, რომლის ღირებულებაც 2 მილიარდი დოლარია. ის მოიცავს მაღაზიებს, სასტუმროებს, რესტორნებსა და კომერციულ ობიექტებს. „ტრამპ ორგანიზაიშენის“ ინფორმაციით, ეს იქნება ყველზე მაღალი შენობა საქართველოში. კომპანია პროექტს სხვა დეველოპერულ ფირმებთან ერთად ახორციელებს“, - წერს Forbs-ი.