Fox News: ტრამპმა ირანთან ურთიერთგაგების მემორანდუმს ელექტრონულად მოაწერა ხელი

აშშ-ის პრეზიდენტმა, დონალდ ტრამპმა ოთხშაბათს ირანთან ურთიერთგაგების მემორანდუმს ელექტრონულად მოაწერა ხელი. ინფორმაციას ამის შესახებ ტელეკომპანია Fox News-ი თეთრი სახლის წარმომადგენელზე დაყრდნობით ავრცელებს.

ხელმოწერილი შეთანხმების ფოტო ირანულ მხარესა და შუამავალ ქვეყნებსაც გაეგზავნათ, განაცხადა ოფიციალურმა პირმა.

ვინაიდან ორ ქვეყანას შორის ომის დასრულების შესახებ შეთანხმება უკვე ძალაში შევიდა, ჟენევაში დაგეგმილი ხელმოწერის მთავარი ცერემონია აღარ გაიმართება.

ირანის საგარეო საქმეთა სამინისტროს სპიკერმა, ესმაილ ბაღაიმ, ასევე განაცხადა ოთხშაბათს, რომ მოლაპარაკებების ჯგუფების ჟენევაში გამგზავრების გეგმები ძალაში რჩება, მიუხედავად ხელმოწერის ოფიციალური ღონისძიების გაუქმებისა.