„განუსაზღვრელი შესაძლებლობები“ - ფონდ „ქართუსა“ და ბიძინა ივანიშვილის მხარდაჭერით მომზადებული დოკუმენტური ფილმის პრეზენტაციას ხელისუფლების პირველი პირები ესწრებიან

„განუსაზღვრელი შესაძლებლობები“, - ასე ჰქვია პარალიმპიელთა შესახებ ფონდ „ქართუსა“ და ბიძინა ივანიშვილის მხარდაჭერით მომზადებულ დოკუმენტურ ფილმს, რომლის პრეზენტაციაც ამ წუთებში მიმდინარეობს.

ბაჩო ოდიშარიას დოკუმენტური ფილმი ქართველი პარალიმპიელების წარმატებაზე და ქვეყანაში შეზღუდული შესაძლებლობის მქონე ადამიანთა უფლებებზე მოგვითხრობს.

პრეზენტაციას პრეზიდენტი, პრემიერი და პარლამენტის თავმჯდომარე ესწრებიან. რამდენიმე დღის წინ ფილმი გაეროს შეზღუდული შესაძლებლობის მქონე ადამიანთა უფლებების კონვენციის მონაწილე ქვეყნების გენერალური ასამბლეის ფარგლებში აჩვენეს. ფილმი საქართველოს უახლესი ისტორიიდან სპეციალური საჭიროების ადამიანებისა და ქართველი პარალიმპიელების განვლილ გზას, გამოწვევებსა და მიღწევებს ასახავს.