გარდაბნის მუნიციპალიტეტში ფაშიზმზე გამარჯვების 81-ე წლისთავთან დაკავშირებით, მეორე მსოფლიო ომში დაღუპულ გმირთა ხსოვნას პატივი მიაგეს

გარდაბნის მუნიციპალიტეტში ფაშიზმზე გამარჯვების 81-ე წლისთავთან დაკავშირებით, მეორე მსოფლიო ომში დაღუპულ გმირთა ხსოვნას პატივი მიაგეს.

გარდაბნის მუნიციპალიტეტის მერმა დავით კარგარეთელმა, მოადგილეებმა - შალვა გურულიშვილმა და ფუად მირზოევმა, საკრებულოს თავმჯდომარე მიხეილ გედეხაურმა, პირველმა მოადგილე სამირ ხიალოვმა, მოადგილეებმა - ზაზა ონიანმა და ვუგარ მამედოვმა, ქვემო ქართლში სახელმწიფო რწმუნებულის მოადგილე ავთანდილ ჭრიკიშვილმა და ადგილობრივი ხელისუფლების წარმომადგენლებმა მეორე მსოფლიო ომში დაღუპულ გმირთა მემორიალი ყვავილებით შეამკეს და პატივი მიაგეს მათ ხსოვნას. მემორიალთან ა(ა)იპ გარდაბნის მუნიციპალიტეტის კულტურისა და ხელოვნების ცენტრთან არსებულმა ფოლკლორულმა

ანსამბლმა „ბეთანიამ“ თემატური მუსიკალური ნომრები შეასრულა. აღსანიშნავია, რომ გარდაბნის მუნიციპალიტეტის თვითმმართველობამ, ვეტერანთა და ომში დაღუპულ მეომართა ოჯახების სოციალური დახმარების პროგრამის ფარგლებში, მუნიციპალიტეტში მცხოვრებ ყველა პირს, რომელსაც ომის მონაწილესთან გათანაბრებული სტატუსი აქვს, ერთჯერადი ფულადი დახმარება 2 000 ლარის ოდენობითა და სასურსათო ნობათი გადასცა.

ინფორმაციას გარდაბნის მერია ავრცელებს.