გენო პეტრიაშვილი RAF Georgia-ს ტურნირზე: ველოდებით ძალიან კარგ შეხვედრებს. მობრძანდით, ვიყოთ ერთად, ვუგულშემატკივროთ ქართველ სპორტსმენებს

ველოდებით ძალიან კარგ შეხვედრებს, - განაცხადა RAF Georgia-ს ტურნირზე საუბრისას ოლიმპიურმა ჩემპიონმა, ორგზის ევროპისა და სამგზის მსოფლიოს ჩემპიონმა, გენო პეტრიაშვილმა.

„ის, რომ საქართველოში ასეთი დონის ორგანიზაციის შეჯიბრება ტარდება, მიუთითებს იმაზე, რომ ჩვენ მართლაც ძალიან მაგარი ქვეყანა ვართ. მსოფლიოში გამორჩეულები ვართ ყველა კუთხით, უნიჭიერესები ვართ, ძალიან მაგარი ხალხი ვართ! ჩვენ რა შეგვიძლია? - გულშემატკივარს ლამაზი ჭიდაობა ვაჩვენოთ.

მობრძანდით, ვიყოთ ერთად, ვუგულშემატკივროთ ქართველ სპორტსმენებს“, - მიმართა გულშემატკივრებს RAF Georgia-ს ტურნირის ქართველმა მონაწილემ, გენო პეტრიაშვილმა.

11 ივლისს თბილისი თავისუფალი სტილით ჭიდაობის საერთაშორისო ტურნირს RAF Georgia-ს უმასპინძლებს, რომელიც სპორტულ სამყაროში ერთ-ერთ გამორჩეულ მოვლენად მიიჩნევა.