გერი ოლდმანმა განაცხადა, რომ დენი ვილნევმა ახალი ჯეიმს ბონდი უკვე შეარჩია

გერი ოლდმანმა განაცხადა, რომ იცის, ვინ იქნება შემდეგი ჯეიმს ბონდი. მსახიობის თქმით, რეჟისორმა დენი ვილნევმა ახალი აგენტ 007-ის როლზე ჯეკ ლაუდენი შეარჩია, რომელიც ოლდმანთან ერთად თამაშობს სერიალში „ნელი ცხენები“.

„დადის ხმები, რომ ის კანდიდატთა სიაშია. ამას მალე შევიტყობთ, არა? იმიტომ, რომ ის უკვე შეარჩიეს. მათ თავისი არჩევანი გააკეთეს, თუმცა ჯერ არ გამოუცხადებიათ“, - განაცხადა ოლდმანმა კანადურ ტელეარხ Global-თან ინტერვიუში.

„ნელი ცხენების“ გარდა, 36 წლის შოტლანდიელი მსახიობი ჯეკ ლაუდენი ცნობილია როლებით BBC-ს მინისერიალში „ომი და მშვიდობა“ (2016) და კრისტოფერ ნოლანის დრამაში „დიუნკერკი“ (2017).

მანამდე ვრცელდებოდა ინფორმაცია, რომ აგენტ 007-ის როლზე ჯეიკობ ელორდის, ტომ ჰოლანდსა და ჰარის დიკინსონის კანდიდატურებს განიხილავდნენ. წლის დასაწყისში კი ბრიტანელმა მსახიობმა კალუმ ტერნერმა მეგობრებს განუცხადა, რომ ჯეიმს ბონდის როლზე ის დაამტკიცეს.