გერმანიაში კლიმატის აქტივისტებმა გაზის ელექტროსადგურების მშენებლობას გააპროტესტეს
გერმანიაში კლიმატის დამცველები ქარის გენერატორის ფორმაციით განლაგდნენ - ასე მათ ქვეყანაში ახალი გაზის ელექტროსადგურების მშენებლობა გააპროტესტეს. ეს მასშტაბური აქცია მათ გერმანიის ქალაქ ჰამში, განახლებად ენერგიის წყაროებზე გადასვლის მხარდასაჭერად გამართეს. რურის რეგიონში, ყოფილი ნახშირის შახტის ტერიტორიაზე გამართულ აქციაში დაახლოებით 2000-მა ადამიანმა მიიღო მონაწილეობა.
აქცია ლოზუნგით „მომავალი გაზის ნაცვლად - დავიცვათ ენერგეტიკული გარდამავალი პერიოდი“ ჩატარდა. მონაწილეები აპროტესტებდნენ მთავრობის გეგმებს გაზის ელექტროსადგურების მშენებლობის შესახებ, რომლებიც პირველ ეტაპზე წიაღისეულ საწვავზე იმუშავებენ, მიუხედავად მანამდე გამოცხადებული „მწვანე“ ენერგეტიკაზე გადასვლის კურსისა.
აქტივისტები მიიჩნევენ, რომ მსგავსი პროექტები „მწვანე“ ენერგეტიკის განვითარებას აფერხებს და წიაღისეულ საწვავზე დამოკიდებულებას აძლიერებს. მათ ხელისუფლებას მოუწოდეს, დააჩქაროს განახლებადი წყაროების გამოსაყენებელი ტექნოლოგიების განვითარება. მედიის ინფორმაციით, პროტესტის რამდენიმე მონაწილე პოლიციამ დააკავა.
იმედი
წყარო: imedinews.ge