გიორგი გაბუნია ოპოზიციაზე: როდესაც მათ იხსენიებენ პოლიტიკურ ოპოზიციად, მე ბუნებრივად მიჩნდება ხოლმე პროტესტი ამ შეფასებასთან დაკავშირებით

როდესაც მათ იხსენიებენ პოლიტიკურ ოპოზიციად, მე ბუნებრივად მიჩნდება ხოლმე პროტესტი ამ შეფასებასთან დაკავშირებით, - განაცხადა გადაცემაში „დღის ქრონიკა“ საქართველოს პარლამენტის კულტურის კომიტეტის თავმჯდომარემ გიორგი გაბუნიამ ოპოზიციაზე საუბრისას.

მისივე თქმით, ამ ძალას აბსოლუტურად არაფერი აქვს საერთო პოლიტიკურ ოპოზიციასთან.

„ესენი არიან ის ძალები, რომლებიც პირდაპირ გარე დამფინანსებლების დავალებით მოქმედებენ და მათ დავალებებს ასრულებენ. დარწმუნებული ვარ, რომ საკონსტიტუციო სასამართლო უახლოეს მომავალში იტყვის თავის სიტყვას. ეს იყო ჩვენი მთავარი წინასაარჩევნო დაპირება საზოგადოების წინაშე, რომ ეს ძალები ერთხელ და სამუდამოდ აკრძალულიყო.

ამ პარტიების აკრძალვის შემდეგ ეს ძალები, რომლებიც ცდილობდნენ, რომ ჩვენი ქვეყანა გაეხვიათ ცეცხლის ალში, უნდა აიკრძალონ და მათ აღარ უნდა ჰქონდეთ შესაძლებლობა, რომ იყვნენ პოლიტიკაში. დარწმუნებული ვარ, რომ საკონსტიტუციო სასამართლო საკუთარ სიტყვას იტყვის. ჩვენი სარჩელი არის სრულიად გამართული, დაფუძნებული არაერთ ძალიან მნიშვნელოვან მტკიცებულებაზე.

ჩვენ თუ გვინდა დემოკრატიული სახელმწიფო და ჯანსაღი, დემოკრატიული გარემო, ეს პროცესი აუცილებლად ბოლოში უნდა გავიდეს“, - აღნიშნა გაბუნიამ.