გიორგი პატარიძე: დაცვის მხარემ პენიტენციურ დაწესებულებას მსჯავრდებულის სამედიცინო სერვისებთან დაკავშირებით მიმართა 3 ივნისს და, დაახლოებით, ერთი კვირაა, რაც მათ გაეგზავნათ პასუხი

სიცრუეა, თითქოს, დაახლოებით, ორი კვირის წინ მოგვმართეს წერილით და დღემდე არ აქვთ მიღებული პასუხი მსჯავრდებულის სამედიცინო სერვისებთან დაკავშირებით. მათ 3 ივნისს მიმართეს №5 პენიტენციურ დაწესებულებას და უკვე, დაახლოებით, ერთი კვირაა, რაც გაეგზავნათ პასუხი პენიტენციური დაწესებულებიდან, - განაცხადა სპეციალური პენიტენციური სამსახურის გენერალურმა დირექტორმა მსჯავრდებულ ელენე ხოშტარიას უფლებადამცველის ბრიფინგის საპასუხოდ.

გიორგი პატარიძე ადვოკატების მიერ გავრცელებულ ცრუ ინფორმაციას გამოეხმაურა იმის შესახებ, რომ სამედიცინო სერვისებთან დაკავშირებით მიწერილ წერილზე პასუხი მე-5 პენიტენციურ დაწესებულებას დღემდე არ გაუცია.

„კიდევ ერთხელ მინდა, მოვუწოდო ყველას, რომ თავი შეიკავონ მსგავსი ცრუ ინფორმაციების გავრცელებისგან და საზოგადოებისა და, რა თქმა უნდა, ჩვენი პარტნიორი საერთაშორისო ინსტიტუტების შეცდომაში შეყვანისგან“, – განაცხადა სპეციალური პენიტენციური სამსახურის გენერალურმა დირექტორმა.