გიორგი ვოლსკი: „ასავალ-დასავალსაც“ თავისი სტილი ჰქონდა ყოველთვის, ეს არის სკანდალური თემების წამოწევა, რომელსაც ხშირ შემთხვევაში საფუძველი არ ჰქონდა არასდროს

„ასავალ-დასავალსაც“ თავისი სტილი ჰქონდა ყოველთვის, ეს არის სკანდალური თემების წამოწევა, რომელსაც ხშირ შემთხვევაში საფუძველი არ ჰქონდა არასდროს, - განაცხადა პარლამენტის ვიცე-სპიკერმა გიორგი ვოლსკიმ.

მისივე თქმით, ირაკლი ღარიბაშვილი არის დამნაშავე, თავად აღიარებს, დანაშაული მძიმეა.

„ირაკლის ნებისმიერი წერილი აბსოლუტურად უსაფუძვლო საუბარია ამ დავითგარეჯის თემასთან დაკავშირებით, ეს ყველაფერი ხვდება საერთო ყულაბაში, რომელიც ითვალისწინებს გარკვეულ მექანიზმებს სახელმწიფოსთან ბრძოლის სცენარში. არც დავით გარეჯის თემას, მითუმეტეს არც თვითმკვლელობის თემას არაფერი კავშირი არ აქვს იმ „რეალობასთან“, რომელიც უნდა დაგვანახოს ამ დომენტი ჩუბინიძემ“, - აღნიშნა ვოლსკიმ.

„ასავალ-დასავალი“ ირაკლი ღარიბაშვილის დაცვას და ხელისუფლებაზე მიზანმიმართულ შეტევას განაგრძობს. ლაშა ნადარეიშვილმა სტატუსი ამჯერად სოციალურ ქსელში გამოაქვეყნა. „ქრონიკის“ სატელეფონო ზარებს ნადარეიშვილი არ პასუხობს.