გიორგი ვოლსკი: ისეთი შთაბეჭდილება რჩება, რომ ირაკლი ღარიბაშვილის კისერზე შემომხტარ ამ რედაქციას [ასავალ -დასავალი] უნდა, რაღაც დივიდენდი მიიღონ ამ პოლიტიკურ ასპარეზზე

ისეთი შთაბეჭდილება რჩება, რომ ირაკლი ღარიბაშვილის კისერზე შემომხტარ ამ რედაქციას [ასავალ-დასავალი] უნდა, რაღაც დივიდენდი მიიღონ ამ პოლიტიკურ ასპარეზზე, - განაცხადა პარლამენტის პირველმა ვიცე-სპიკერმა გიორგი ვოლსკიმ დავით გარეჯის ირგვლივ საკითხზე საუბრისას.

მისი თქმით, რუკები ჩამოიტანა დავით ხიდაშელმა.

„ეს რუკები ჩამოიტანა დავით ხიდაშელმა. ბიძინა ივანიშვილმა თავისი პატრიოტული როლი კიდევ ერთხელ შეასრულა თავის ქვეყნის წინაშე, რაც არაერთხელ გაუკეთებია და მადლობაც გადაუხადა და ჩვენც მადლობა უნდა გადავუხადოთ დავით ხიდაშელს, რომ საკუთარ სამშობლოში ჩამოიტანა ეს რუკები, რომელიც აღნიშნავს იმას, რომ დაშვებული იყო სახელმწიფოს წინაშე დანაშაული წინა ხელისუფლების მიერ. აბსოლუტურად არაფერ შუაში არ არის ირაკლი ღარიბაშვილი. რომ ყოფილიყო ამასაც არ დამალავდა არავინ. ისეთი შთაბეჭდილება რჩება, რომ ირაკლი ღარიბაშვილის კისერზე შემომხტარ ამ რედაქციას უნდა, რაღაც დივიდენდი მიიღონ ამ პოლიტიკურ ასპარეზზე“, - განაცხადა გიორგი ვოლსკიმ.

რა მიზანს ემსახურება ასავალ-დასავალი მიერ ირაკლი ღარიბაშვილის დაცვა, მსჯავრდებულის, რომელმაც დანაშაული თავად აღიარა, ქრონიკის სატელეფონო ზარებს ლაშა ნადარეიშვილი არ პასუხობს. ხელისუფლებაზე შეტევის კამპანიას კი ასავალ დასავალი ფაქტების გარეშე განაგრძობს.