გიორგი ვოლსკი: ისეთი შთაბეჭდილება რჩება, რომ ირაკლი ღარიბაშვილის კისერზე შემომხტარ ამ რედაქციას [„ასავალ -დასავალი“] უნდა, რაღაც დივიდენდი მიიღოს ამ პოლიტიკურ ასპარეზზე

ისეთი შთაბეჭდილება რჩება, რომ ირაკლი ღარიბაშვილის კისერზე შემომხტარ ამ რედაქციას [„ასავალ -დასავალი“] უნდა, რაღაც დივიდენდი მიიღოს ამ პოლიტიკურ ასპარეზზე - განაცხადა პარლამენტის პირველმა ვიცე-სპიკერმა გიორგი ვოლსკიმ, დავით-გარეჯის საკითხზე საუბრისას.

მისი თქმით, რუკები დავით ხიდაშელმა ჩამოიტანა.

„ეს რუკები ჩამოიტანა დავით ხიდაშელმა. ბიძინა ივანიშვილმა თავისი პატრიოტული როლი კიდევ ერთხელ შეასრულა თავისი ქვეყნის წინაშე, რაც არაერთხელ გაუკეთებია და მადლობაც გადაუხადა. ჩვენც მადლობა უნდა გადავუხადოთ დავით ხიდაშელს, რომ საკუთარ სამშობლოში ჩამოიტანა ეს რუკები, რომელიც აღნიშნავს იმას, რომ წინა ხელისუფლების მიერ სახელმწიფოს წინაშე დანაშაული იყო ჩადენილი. აბსოლუტურად არაფერ შუაშია ირაკლი ღარიბაშვილი. რომ ყოფილიყო, ამასაც არავინ დამალავდა. ისეთი შთაბეჭდილება რჩება, რომ ირაკლი ღარიბაშვილის კისერზე შემომხტარ ამ რედაქციას უნდა, რაღაც დივიდენდი მიიღოს ამ პოლიტიკურ ასპარეზზე.'' - განაცხადა გიორგი ვოლსკიმ.

რა მიზანს ემსახურება „ასავალ-დასავალის“ მიერ ირაკლი ღარიბაშვილის დაცვა, მსჯავრდებულის, რომელმაც დანაშაული თავად აღიარა, „ქრონიკის“ სატელეფონო ზარებს ლაშა ნადარეიშვილი არ პასუხობს. ხელისუფლებაზე შეტევის კამპანიას კი, „ასავალ-დასავალი“ ფაქტების გარეშე განაგრძობს.