GITA-ს ხელმძღვანელი სან-ფრანცისკოში საქართველოს გენერალური საკონსულოს ბაზაზე ინოვაციების ჰაბი გაიხსნაზე: ეს არის ქართული სტარტაპებისთვის, რომლებიც ჩამოდიან სან - ფრანცისკოში და არ იციან ვის მიმართონ, ინვესტიციები როგორ უნდა მოიძიონ. ამ მიმართულებით ქართულ ინოვაციურ სტარტაპებს გაუმარტივებს ყოველდღიურობას

ეს არის ქართული სტარტაპებისთვის, რომლებიც ჩამოდიან სან - ფრანცისკოში და არ იციან ვის მიმართონ, ინვესტიციები როგორ უნდა მოიძიონ. ამ მიმართულებით ქართულ ინოვაციურ სტარტაპებს გაუმარტივებს ყოველდღიურობას, - განაცხადა GITA-ს ხელმძღვანელმა ავთანდილ კასრაძემ სან-ფრანცისკოში საქართველოს გენერალური საკონსულოს ბაზაზე ინოვაციების ჰაბი გაიხსნასთან დაკავშირებით.

მისი თქმით, ინოვაციების ჰაბის გახსნა დაეხმარება ქართულ სტარტაპებს, რომ მოიძიონ ამერიკული ინვესტიციები.

„სილიკონის ველი წარმოადგენს ყველაზე მნიშვნელოვან ადგილს ინოვაციური სტარტაპების განვითარებისთვის, კაპიტალის მოზიდვის და შემდგომ უკვე კლიენტების განვითარებისთვის. ამ მიმართულებით რა თქმა უნდა მნიშვნელოვანია, რომ სან - ფრანცისკოში უკვე გაიხსნა ქართული კუთხე. ეს არის ქართული სტარტაპებისთვის, ვისაც კი უნდა ამერიკულ ბაზარზე გავიდეს, ამერიკული ინვესტიციების მოძიება სჭირდება, დღეს, ამ პრობლემას აწყდებიან, რომ ჩამოდიან სან - ფრანცისკოში და არ იციან ვის მიმართონ, როგორ უნდა გადადგან ნაბიჯები, მათ შორის სამართლებრივად, როგორ უნდა დარეგისტრირდნენ კომპანიებად, ინვესტიციები როგორ უნდა მოიძიონ. სწორედ ამ მიმართულებით ქართულ ინოვაციურ სტარტაპებს გაუმარტივებს ყოველდღიურობას. ექნებათ შესაძლებლობა, რომ აქ სამუშაო ოფისიც ჰქონდეთ. რაც ყველაზე მთავარია, ის დიდი „ნეთვორქი“, რომელიც იქმნება ინოვაციების ჰაბის გარშემო გამოიყენონ თავიანთი ინვესტიციების მოსაპოვებლად და ეს პირდაპირ აისახება საქართველოში დასაქმების გაზრდაზე“, - განაცხადა ავთანდილ კასრაძემ.

სან-ფრანცისკოში საქართველოს გენერალური საკონსულოს ბაზაზე ინოვაციების ჰაბი გაიხსნა. ჰაბი ქართველ სტარტაპერებს, სტუდენტებს, მეწარმეებს და მეცნიერებს დაეხმარება მოიზიდონ ამერიკული კაპიტალი და განავითარონ საკუთარი შესაძლებლობები. ღონისძიებას სან-ფრანცისკოს მერი და სტარტაპ ეკოსისტემის მნიშვნელოვანი მოთამაშეები ესწრებოდნენ.