გივი მიქანაძე: დავიწყეთ სახელმძღვანელოებზე მუშაობა და I, VII და X კლასებში შემოგვაქვს ჰუმანიტარული და „სტემ“ მიმართულებით სახელმძღვანელოები

განათლების მინისტრმა გივი მიქანაძემ გადაცემაში „ღია ეთერი“ განათლების მასშტაბურ რეფორმაზე ილაპარაკა.

მინისტრმა ყურადღება გაამახვილა ახალ სასკოლო სახელმძღვანელოებზე.

„სასკოლო მიმართულებით ჩვენი უმთავრესი მიმართულება არის სახელმძღვანელოების საკითხი. ჩვენ დავიწყეთ სახელმძღვანელოებზე მუშაობა და შემოგვაქვს I, VII და X კლასებში ჰუმანიტარული და „სტემ“ მიმართულებით, ასევე, რიგ სხვა კლასებშიც გარკვეული სახელმძღვანელოები, რომლებიც სრულიად ახალია და ერთი სტანდარტის სახელმძღვანელო იქნება როგორც საჯარო, ასევე კერძო სკოლებში“, - აღნიშნა გივი მიქანაძემ.