გივი მიქანაძე: დავიწყეთ სახელმძღვანელოებზე მუშაობა და პირველ, მეშვიდე და მეათე კლასში შემოგვაქვს ჰუმანიტარული და „სტემ“ მიმართულებით სახელმძღვანელოები

განათლების მინისტრმა, გივი მიქანაძემ გადაცემაში „ღია ეთერი“ განათლების მასშტაბურ რეფორმაზე ისაუბრა.

მინისტრმა ყურადღება გაამახვილა ახალ სასკოლო სახელმძღვანელოებზე.

„სასკოლო მიმართულებით ჩვენი უმთავრესი მიმართულება არის სახელმძღვანელოების საკითხი. ჩვენ დავიწყეთ სახელმძღვანელოებზე მუშაობა და შემოგვაქვს პირველ, მეშვიდე და მეათე კლასში ჰუმანიტარული და „სტემ“ მიმართულებით, ასევე რიგ სხვა კლასებშიც გარკვეული სახელმძღვანელოები, რომელიც სრულიად ახალია და ერთი სტანდარტის სახელმძღვანელო იქნება როგორც საჯარო, ასევე კერძო სკოლებში“ - აღნიშნა მიქანაძემ.